Kabil aeroportunda basırıq və açılan atəş nəticəsində azı beş həlak olub.

Bu barədə “Reuters” agentliyi hadisə şahidlərinə istinadla məlumat yayıb. Agentliyin məlumatına görə, şahidlərdən biri beş cəsədin avtomobilə necə yükləndiyini görüb. Bununla yanaşı, başqa bir şahid bildirib ki, insanların hansı şəraitdə həlak olduğu hələlik dəqiq bilinmir.

“Al Arabiya” telekanalı isə öz növbəsində xəbər verir ki, hadisə nəticəsində dörd nəfər ölüb və 13 nəfər yaralanıb.

“France-Presse” agentliyinin bir qədər əvvəl yaydığı məlumata əsasən, bir dəstə insan Kabıl aeroportunun uçuş zolağına daxil olub və hava limanında qayda yaradan ABŞ hərbçiləri havaya xəbərdarlıq atəşi açıb. Haqqında söhbət gedən insident məhz bu zaman baş verib.