AMEA-nın Milli Azərbaycan Tarixi Muzeyinə Vətən müharibəsi şəhidi kapitan Ruslan Qəhrəmanova məxsus materiallar daxil edilib.

Bu barədə muzeydən məlumat verilib.

Ruslan Qəhrəmanov 1988-ci ildə Şəmkir rayonunun Keçili kəndində anadan olub. O, Vətən müharibəsi zamanı Füzulinin azadlığı uğrunda gedən döyüşlərdə düşmənə qarşı mərdliklə vuruşub və şəhidlik zirvəsinə ucalıb.

Azərbaycan Prezidenti İlham Əliyevin müvafiq Sərəncamına əsasən Ruslan Qəhrəmanov “Vətən uğrunda” medalı, “Azərbaycan Bayrağı” ordeni ilə təltif edilib (ölümündən sonra).