Gürcüstanda koronavirusdan ölüm halları kəskin artıb. Son sutka ərzində ölkədə 86 nəfər pandemiyanın qurbanı olub.

Bu barədə ölkənin Xəstəliklərə Nəzarət və İctimai Sağlamlıq Milli Mərkəzindən məlumat verilib.

Bildirilib ki, ötən sutkada Gürcüstanda daha 3034 nəfər koronavirusa yoluxub, 3952 nəfər müalicə olunaraq sağalıb.

Bununla da, Gürcüstanda COVID-19 virusuna yoluxanların ümumi sayı 559 min 943-ə, sağalanların sayı 506 min 486-ya, ölənlərin sayı isə 7 min 649-a çatıb.