Şuşadan 32 yaşında çıxmışdım. Bu gün doğma Şuşamızda olmaqla sanki bizə bir dünya bəxş edildi. Burada aparılan genişmiqyaslı quruculuq işləri biz şuşalıların ürəyini dağa döndərir. Əminik ki, qədim Şuşa həm də dünyanın ən müasir şəhərlərindən birinə çevriləcək.

Bu sözləri Şuşa sakini Rafael Ağayev doğma şəhərinə səfəri zamanı bildirib. O, qeyd edib ki, Ali Baş Komandan İlham Əliyevin rəhbərliyi ilə Ordumuzun çox böyük qəhrəmanlığı nəticəsində Qarabağın ürəyi sayılan Şuşa işğaldan azad olunub. Biz şuşalılar Prezident İlham Əliyevə və düşmən qarşısında sinələrini sipər edib işğalçıları qanı, canı hesabına torpaqlarımızdan qovan igid oğullarımıza həmişə minnətdar olacağıq.

Rafael Ağayev bildirib ki, Şuşada elə bir yer yoxdur ki, ora tarixi abidələrlə zəngin olmasın. Şuşanın özü dünyanın ən nadir tarixi abidələrindən biridir. O, Şuşada məskunlaşacağı günü böyük səbirsizliklə gözlədiyini deyib.