22 dekabr saat 14:00-da Yakın Doğu Universiteti kitabxanasıının salonlarından birində Şimali Kipr Türk Cümhuriyyəti universitetlərində təhsil alan tələbələr arasında “Nə? Harada? Nə zaman?” intellektual oyunu üzrə “Həmrəylik Kuboku” adlı yarış keçiriləcək.

Rəhbəri Nərmin Əliyeva, media və yayım işləri məsulu Toğrul Salehli olan yarış “Owlright Intellektual Klubu”nun təşkilatçılığı və KKTC Azərbaycan Kültür Mərkəzinin sponsorluğu ilə keçiriləcək.

İlk dəfə 2011-ci il 23 dekabrda baş tutan turnirin qalibi “Serebrum “ komandası olmuşdu. Oyunun qaydalarına əsasən, Yakın Doğu Universiteti, Doğu Akdeniz Universiteti, Uluslararası Kıbrıs Universiteti və Girne Amerikan Universitetlərindən hərəsənində 4 nəfər olmaqla 2, ümumilikdə 8 komanda yarışacaq. Tədbirdə qalibləri qiymətli hədiyyələr, kubok və medallar gözləyir. Növbəti turnir qalib gələn komandanın təmsil etdiyi universitetdə keçiriləcək.
Təqribən 3 saat ərzində iştirakçıları və tamaşaçıları maraqlı suallar gözləyir.