Tehranda Azərbaycanın Milli Hökümətinin ildönümü ağırlanıb
Cümə günü Tehranda Azərbaycan Milli Hökümətinin (“21 Azər”) qurulmasının ildönümü münasibəti ilə anım mərasimi keçirilib. Mərasimə bir çox Milli Hərəkat fəalı və Tehran universitetinin öyrənciləri qatılıb.
Mərasimdə bir neçə ziyalımız çıxış edib. Çıxış edən mərasim iştirakçıları 1945-ci ildə (1324-cü ilin azər ayı) Azərbaycan Milli Hökumətinin formalaşması prosesi, bir il müddətində Milli Hökumətin etdiyi işlər, türk dilinə rəsmi dil statusunun verilməsi və həmçinin Milli Hərəkatın son dalğası barədə geniş söhbət açıblar.
Mərasimin sonunda “Dağ Dərgisi”nin 21 Azər özəl sayı və Milli Hökumətin sənədli filminin CD-ləri törənə qatılanlar arasında yayılıb.