Bu gün işğaldan azad edilmiş ərazilərə, mənim üçün müqəddəs olan bir məkana - Ağdama gəldiyimiz üçün çox sevinirəm. Ən böyük arzumuz yerinə yetib.

Bu sözləri Ağdam şəhərinə səfər etmiş rayon sakini Arif Məmmədov söyləyib.

O deyib: “Mən Novruzlu kəndində doğulsam da, uşaqlığım, gəncliyim Ağdam şəhərində keçib. Evimiz Ağdam şəhərində Tofiq İsmayılov küçəsində idi. Dəzgahqayırma zavodunda işləyirdim. Doğma şəhərimizin 1993-cü il iyulun 23-də işğal edilməsi ilə bizim də xoşbəxt həyatımıza son qoyuldu. Bu gün 28 ildir həsrəti ilə yaşadığımız şəhərimizə gəlmişəm. Qələbəni bizə yaşatdığına, bizi doğma yurdumuza qovuşdurduğuna görə Prezidentimizə, Ordumuza minnətdaram”.