Azərbaycan Dövlət Aqrar Universitetinin(ADAU) Elmi Şurasının iclası keçirilib.

Universitetin Tələbə parkında pandemiyanın tələblərinə əməl olunmaqla açıq havada keçirilən iclasda 2020/2021-ci il tədris ilinə hazırlıq, qarşıda duran vəzifələr, universitetdə struktur dəyişikliyi, kafedralarda tədris yüklərinin təhlili, təsdiqi və digər məsələlər müzakirə olunub.

Şuranın sədri, rektor, AMEA-nın müxbir üzvü, professor İbrahim Cəfərov çıxış edərək 2020/2021-ci il tədris ilində qarşıda duran vəzifələr barədə danışıb.

Şura üzvləri müzakirə olunan məsələlər barədə fikir və təkliflərini bildiriblər.