Azərbaycanın Ermənistanın tərəfindən işğal edilmiş torpaqlarında 30 ilə yaxın müddətdə 100 min hektardan artıq ərazidə məqsədli şəkildə yanğınlar törədilib. Bu yanğınlar nəticəsində torpağın məhsuldar üst münbit qatı məhv olub, fauna və flora növləri ciddi mənfi təsirlərə məruz qalıb.

Bu sözləri ekologiya və təbii sərvətlər nazirinin müavini Vüqar Kərimov ADA Universitetində Azərbaycandakı diplomatik korpusun nümayəndələri üçün keçirilən brifinqdə deyib.

Nazir müavini qeyd edib ki, işğal altında olan ərazilərdə məqsədli şəkildə törədilən meşə yanğınları nəticəsində vurulmuş genişmiqyaslı ekoloji zərərlə əlaqədar 2006-cı ildə BMT tərəfindən müvafiq qətnamə qəbul edilib.