Güney Azərbaycanın müxtəlif şəhərlərində türk dilində uşaq kitablarının paylanılması kopmaniyası davam edir.

Yeni təhsil ilinin başlanması ilə əlaqədar bir neçə gün öncədən Urmu, Təbriz, Zəngan, Kərəc və başqa Azərbaycan şəhərlərində uşaqlar arasında türk dilində uşaq nağılları kitabları paylanılır.

Azərbaycan bölgələri ilə yanaşı Türkmənsəhrada da eyni aksiya həyata keçirilib.

Türkmənsəhranın Günbəd Kavus şəhərində türkmən fəallar uşaqlar arasında türkcə kitablar paylayıblar.

Uşaq kitablarının bir çoxu tanınmış türk dili və mədəni fəal Əkbər Azadın əməyi nəticəsində nəşr olunub.

Milli-mədəni fəallar bu vasitə ilə İranda türk dilində təhsilə qoyulan qadağaya etirazlarını bildiri, ana dilində təhsilin vacibliyinə diqqəti cəlb etməyə çalışırlar.