Bosniya və Herseqovinanın Sarayevo Beynəlxalq Hava Limanında sərnişin sıxlığı pandemiyadan əvvəlki səviyyəyə qayıdıb.

Sentyabrda aeroportdan istifadə edən sərnişinlərin sayı proqnozları aşaraq 99 min 950-yə çatıb. 2019-cu ilin sentyabr ayında isə bu rəqəm 105 min 370 idi.

Sarayevo aeroportunda sərnişinlər ən çox İstanbul və Vyana istiqamətlərində reyslərə üstünlük veriblər. Hava limanından çox istiqamətə reys yerinə yetirən aviaşirkət isə “Wizz Air” olub.