Monteneqronun cari ildə Avropada ən böyük artıma malik iqtisadiyyatı olacağı gözlənilir.

Bu proqnozla Vyana Beynəlxalq İqtisadi Araşdırmalar İnstitutu (WIIW) çıxış edib. İnstitutun hesabatına görə, bu il Monteneqronun iqtisadiyyatı 8,4 faiz artacaq.

Rekord artıma baxmayaraq, bu göstərici ilə Monteneqronun iqtisadiyyatının pandemiyadan əvvəlki səviyyəyə qayıdacağı gözlənilmir.

Qeyd edək ki, əsasən turizm gəlirlərindən asılı olan Monteneqroda ötən il iqtisadiyyat 15,3 faiz geriləmişdi.