Estoniyada son sutka ərzində koronavirusa (COVID-19) yoluxanların sayı artaraq 199 min 251-ə çatıb.

Bu barədə Estoniya Səhiyyə Departamenti məlumat yayıb.

Bildirilib ki, epidemiyanın yayıldığı tarixdən bəri ölkədə 2 milyon 165 min 189 nəfər müayinə olunub.

Departamentin məlumatına əsasən, son sutka ərzində COVID-19 virusuna görə 10 min 254 nəfərdən götürülən testlərin 2 min 306-nın nəticəsi müsbət çıxıb.

Ölkədə ümumilikdə COVID-19-dan 1563 ölüm faktı qeydə alınıb. Sağalanların sayı isə rəsmi rəqəmlərə əsasən 170 min 95 nəfər təşkil edir.

Əhalisinin ümumi sayı Azərbaycanla nisbətdə 8 dəfə az olan Estoniyada koronavirusa yeni yoluxma hallarının artacağı istisna olunmur.

Estoniya hökuməti koronavirusa yeni yoluxma hallarının artacağını və əhalini sanitar normalara riayət etməyə çağırıb.