Cari ilin üçüncü rübündə Heydər Əliyev adına Bakı dərin özüllər zavodunda dayaq blokunun tikintisi müxtəlif sahələrdə davam etdirilib.

“BP Azerbaijan” şirkətindən bildirilib ki, mərkəzi dayaq çərçivəsinin yana oturdulması başa çatıb, dayaq bloku qüllələrinin quraşdırılması işlərinə başlanılıb.

Sualtı qurğular və birləşdirici dirsəklərin tikintisi tamamlanmaq üzrədir. Dənizdə “Xankəndi” gəmisinin sualtı kəsişmələri qoruma panellərini quraşdırması ilə sualtı quraşdırma işlərinə başlanıb.