BMT (Birləşmiş Millətlər Təşkilatı) Təhlükəsizlik Şurası İranın daha 2 şirkətinə qarşı sanksiya (təhrim) qəbul edib.
Bu barədə Amerika Birləşmiş Ştatlarının BMT-dəki daimi nümayəndəsi Süzan Rays açıqlama verib.
O bildirib ki, İranın “Yas Air” və “SƏD Import-Export” şirkətləri qanunsuz silah daşınmasında təqsirləndirildiyi üçün BMT Təhlükəsizlik Şurasının sanksiya siyahısına daxil edilib. S. Raysın sözlərinə görə, bu iki şirkət Suriyaya silah daşınması ilə məşğul olduğu üçün fəaliyyətinə məhdudiyyət tətbiq edilib.