İtaliyada oktyabrda 3 faiz olan illik inflyasiya göstəricisi enerji qiymətlərinin də təsiri ilə noyabr ayında 3,8 faizə yüksəlib.

Bu barədə İtaliyanın Milli Statistika İnstitutu (ISTAT) məlumat yayıb.

Bildirilir ki, oktyabrda 3 faiz olan inflyasiya noyabr ayında bazar proqnozlarını üstələyərək 3,8 faiz təşkil edib. Bu, 2008-ci ilin sentyabrından bəri ən yüksək inflyasiya səviyyəsidir.

Ölkədə inflyasiya aylıq göstəricidə isə 0,7 faiz artıb.