İsmayıllı şəhərində süni örtüklü yeni minifutbol meydançasının açılışı olub.

İdmançılar üçün gözəl hədiyyə olan futbol meydançasının açılışında rayon icra hakimiyyətinin başçısı Nahid Bağırov, AFFA-nın icraçı vitse-prezidenti Elxan Məmmədov, futbol veteranı Vəli Qasımov iştirak ediblər.

Meydançanın açılışında İsmayıllını təmsil edən müxtəlif uşaq komandalarının üzvlərinə AFFA tərəfindən idman geyimləri, çanta, top hədiyyə olunub. Rəsmilər uşaqlarla birgə futbol oynayıblar.

İstifadəyə verilən yeni minifutbol meydançası AFFA-nın maliyyə dəstəyi ilə inşa olunub.