Belə demək mümkünsə, kifayət qədər balanslı qrupda mübarizə aparacağıq.

Bunu futbol üzrə Azərbaycan milli komandasının baş məşqçisi Canni De Byazi UEFA Millətlər Liqasının 2022/2023-cü il mövsümünün püşkatma mərasimini dəyərləndirərkən deyib.

“Slovakiya millisinin qrupun favoriti olduğunu deməklə, yəqin ki, yeni fikir söyləmiş olmayacağıq. Belarus və Qazaxıstan-Moldova cütünün qalibi ilə gərgin mübarizə aparacağıq. Lakin düşünürəm ki, mövsümün sonuna doğru yaxşı formada olsaq, qrupda uğur qazana bilərik”, - deyə Canni De Byazi əlavə edib.

Qeyd edək ki, UEFA Millətlər Liqasında yeni mövsümə 2022-ci il iyunun 2-də start veriləcək.