Dekabrın 19-da Avstriyada koronavirus səbəbindən həyatını itirmiş 13400 insanın xatirəsini anmaq üçün “işıqlar dənizi“ adlı yürüş təşkil edilib.

Anım tədbirində 30 mindən çox insan şəhərin mərkəzi küçələri ilə dinc yürüş ediblər. İki şəxsin sosial mediada çağırışına səs verən insanlar şəhərin mərkəzi küçələrində şam, lampa və mobil telefon işıqları ilə COVID-19 qurbanlarının xatirəsini anıblar.

Anım yürüşü həmkarlar ittifaqları, Həkimlər Palatası, dini etiqad təşkilatları tərəfindən dəstəklənib. Eyni zamanda, dövlət başçısı Aleksander Van der Bellenin ofisinin pəncərəsində yanan şam işığı da yürüş iştirakçılarının diqqətindən qaçmayıb.

Aksiya, həmçinin Avstriyanın digər federal əyalətlərində də kiçik formatda təşkil olunub.