Cari ilin yanvar –noyabr aylarında Gürcüstanın xarici ticarət dövriyyəsi 12 822,2 milyon ABŞ dolları təşkil edib. Bu da 2020-ci ilin eyni dövrü ilə müqayisədə 25,1 faiz çoxdur.

Bu barədə Gürcüstan Milli Statistika İdarəsindən məlumat verilib.

Bildirilib ki, Gürcüstanın xarici ticarətində ixracın həcmi 3 822,9 milyon dollar, idxalın həcmi isə 8 999,3 milyon dollar təşkil edib.

Gürcüstanın xarici ticarətində 5 176,4 milyon dollar həcmində mənfi saldo yaranıb.

Hesabat dövründə Gürcüstanın xarici ticarətində ən böyük idxal tərəfdaşları sırasında Türkiyə 1 605,1 milyon dollarla birinci, Rusiya 926,2 milyon dollarla ikinci, Çin 790,4 milyon dollarla üçüncü yerdədir.

Azərbaycan siyahıda dördüncü yerdədir. Gürcüstanın hesabat dövründə Azərbaycandan 509 000, 7 milyon dollar dəyərində mal idxal edib.

Gürcüstanın ixrac tərəfdaşları sırasında isə ilk üçlükdə Çin (569,1 milyon dolları), Rusiya (549,1 milyon dolları) və Azərbaycandır (488,3 milyon dollar) yer alıblar.