Şotlandiyanın Hunterston atom elektrik stansiyası 46 ildən sonra bağlanır.

Atom elektrik stansiyasının hələ də işləyən sonuncu bloku olan 4-cü reaktor da fəaliyyətini dayandırıb.

“EDF Energy” şirkətinə məxsus olan zavod bağlandıqdan sonra üç illik yanacaq boşalma dövrü keçəcək. Bu tamamlandıqdan sonra obyekt Nüvə Əməliyyatlarının dayandırılması idarəsinə təhvil veriləcək.

1968-ci ildə tikintisinə başlanan Hunterston atom elektrik stansiyasının 2023-cü ildə bağlanması planlaşdırılırdı, lakin reaktorun daxili divarındakı kapilyar çatlar səbəbindən onun istismar müddətinin daha tez bitirilməsinə qərar verilib.