İtaliyada son sutka ərzində COVID-19 infeksiyasına 220 min 532 yeni yoluxma faktı qeydə alınıb. Bu, pandemiya başlayandan bəri ən yüksək göstəricidir

İtaliyanın Səhiyyə Nazirliyi koronavirusa ümumi yoluxma sayının 7 milyon 774 min 863-ə çatdığını bildirib.

Ötən gün 294 nəfər virusun qurbanı olub, ölənlərin ümumi sayı isə 139 min 559-a yüksəlib. Hazırda ölkədə 2 milyon 134 min 139 aktiv COVID-19 xəstəsi var, reanimasiya şöbəsində olanların sayı 1677 nəfərdir.

Ölkədə 2020-ci il dekabrın 27-dən etibarən aparılan vaksinasiya kampaniyası çərçivəsində bu günədək 116 milyon 562 min 954 doza vaksin vurulub. Hər iki doza peyvəndi tamamlayanların sayı isə 46 milyon 698 min 257 nəfərdir. İndiyədək 23 milyon 953 min 563 üçüncü doza peyvənd tətbiq olunub.