Abdullahiyan deyib ki, o Çin prezidenti ilə keçirdiyi görüşdə, iki ölkə arasında imzalanmış 25 illik əməkdaşlıq sənədinin icrasından, Vyanada aparılan nüvə danışıqlarından, sanksiyalardan və bir sıra digər regional məsələlər barədə danışıqlar aparıb.

“İranla Çin arasında imzalanmış hərtərəfli əməkdaşlıq proqramının, yəni müxtəlif sahələrdə 25 illik əməkdaşlıq sənədinin bu gündən icrasına başlanılır”. -deyə İranın xarici işlər naziri Hüseyn Əmir Abdullahiyan çinli jurnalistlərə açıqlamasında bildirib.

Abdullahiyan iki ölkə arasında imzalanmış 25 illik strateji əməkdaşlıq proqramının hansı sahələrə şamil ediləcəyini açıqlamayıb.

Xatırladaq ki, İranla Çin arasında 25 illik əməkdaşlıq sənədi 2021-ci ilin aprel ayında İran lideri Əli Xamneyinin tapşırığı və əmri ilə imzalanıb.

İran rejimi imzalanmış sənədin detallarını ictimaiyyətə açıqlamaqdan oyun qaçırdığı bir halda sosial şəbəkə istifadəçiləri və İrandakı bəzi siyasi dairələr Tehranla Pekin arasında imzalanmış sənədi “İranın Çinə satışı” kimi dəyərləndirdiklərini bildirirlər.