Litvada son sutka ərzində koronavirusa (COVID-19) yoluxanların sayı 8 min 923 nəfər artaraq 749 min 614 nəfərə çatıb.

Bu barədə Litvanın Səhiyyə Nazirliyi məlumat yayıb. Bildirilib ki, epidemiyanın yayıldığı tarixdən bəri ölkədə 7 milyon 407 min 864 nəfər müayinə olunub.

Məlumata əsasən, son sutka ərzində COVID-19 virusuna görə 18 min 800 nəfərdən analiz götürülüb.

Ölkədə indiyədək 7 min 986 ölüm faktı qeydə alınıb. Sağalanların sayı isə 635 min 2 nəfər təşkil edib. Litvada virusa yeni yoluxma hallarının artacağı istisna olunmur.