Qazaxıstanın “Air Astana” aviaşirkəti Ukraynadakı vəziyyətdən asılı olaraq Kiyevə uçuşları təxirə salmağa hazırdır.

Bu barədə aviaşirkətin mətbuat xidməti məlumat yayıb.

Məlumatda bildirilir ki, uçuşların ləğvi Ukraynadakı mövcud vəziyyətdən asılı olaraq qısa müddət ərzində baş verə bilər. “Air Astana” aviaşirkəti Kiyevə uçuşları davam etdirir, lakin Ukraynada vəziyyət pisləşərsə, onları ləğv etməyə hazırdır.

Qeyd edək ki, Nur-Sultandan Kiyevə cümə axşamı, Almatıdan isə Kiyevə uçuşlar bazar ertəsi, çərşənbə və şənbə günləri yerinə yetirilir.