Bu ilin yanvar ayında Türkiyəni ziyarət edən xarici turist sayı əvvəlki ilə nisbətən 150 faiz artaraq 1 milyon 281 min 666 nəfər təşkil edib.

Bu barədə Türkiyənin Mədəniyyət və Turizm Nazirliyindən bildirilib.

Məlumata əsasən, bu ilin ilk ayında Türkiyəyə gələn turistlər arasında 134 min 215 nəfərlə Rusiya vətəndaşları çoxluq təşkil edib.

Türkiyəyə ən çox ziyarətçi göndərən Avropa ölkəsi isə 102 min 572 nəfərlə Almaniya olub.