Kiyev meri Vitali Kliçko paytaxt sakinlərinə müraciət edib. O şəhər sakinlərinə vahiməyə düşməməyi çağırıb.

Bu barədə Kiyev şəhər merinin müraciətində qeyd olunub.

"Ukrayna təcavüzə məruz qalıb. Mərmi səsləri Kiyevdə də eşidilir. İndi ən dəhşətli düşmən vahimədir. Biz təmkinimizi itirmirik", - deyə V.Kliçko əlavə edib.

O qeyd edib ki, şəhərin mühüm infrastrukturu və həyat təminatı ilə məşğul olmayan hər kəs evdə qalmalıdır.