Türkiyə hakimiyyəti terrora son qoymaq üçün İmralıda saxlanılan terrorçuların lideri Abdulla Öcalanla müzakirələr apardığı bir zamanda PKK rəhbəri maraqlı ittihamlar səsləndirib.
Türkiyə mətbuatının yazdığına görə, Öcalan bu görüşdə PKK-nın silahı buraxmamasında İranı günahlandırıb.
O, 2 il əvvəl Keçidli kəndində bir sərnişin avtobusunun qəzaya uğraması və 9 nəfərin həlak olması ilə bağlı məsələyə də toxunub. 2010-cu ildə baş verən bu hadisədə İranın roluna işarə edərkən Öcalan bombanın məhz İran tərəfindən partladıldığını istisna etməyib. Öcalanın fikrincə, bununla da İran danışıqlar prosesini əngəlləməyə çalışıb.