Rusiyaya qarşı tətbiq edilən sanksiyaları və vəziyyətin mümkün gərginləşməsini nəzərə alaraq Latviya Xarici İşlər Nazirliyi (XİN) ölkə vətəndaşlarını Rusiyaya səfər etməməyə çağırıb.

Bu barədə məlumatı ölkənin xarici işlər naziri Edqar Rinkeviç rəsmi feysbuk səhifəsində paylaşıb.

Latviya XİN-in rəhbəri hazırda Rusiyada olan latviyalıları mümkün qədər tez bu ölkəni tərk etməyə çağırıb.

Qeyd edək ki, Avropa Komissiyasının sədri Ursula fon der Lyayen ötən bazar günü Avropa İttifaqının hava məkanını Rusiya təyyarələri üçün bağlayacağını bildirib. Rusiya buna cavab olaraq Latviya da daxil olmaqla 36 ölkənin aviaşirkətlərinə uçuşları məhdudlaşdırıb. Latviyanın “airBaltic” aviaşirkəti artan risk və məhdudiyyətlər səbəbindən mayın sonuna qədər Rusiyaya uçuşları ləğv edib.