İsveç Silahlı Qüvvələri Rusiya təyyarələrinin krallığın hava məkanını pozduğunu iddia edir.

TASS informasiya agentliyinə istinadla xəbər verir ki, İsveç tərəfinin iddialarına görə, martın 2-də Rusiyaya məxsus iki Su-27 və iki Su-24 təyyarəsi İsveç krallığının hava məkanını pozub və Qotland adasından şərq istiqamətdə görünüb.

İsveçin Hərbi Hava Qüvvələrinin komandanı Karl-Yohan Edstrem vəziyyətə tam nəzarət edildiyini bildirib.

Ölkənin müdafiə naziri Peter Hultkvist isə bu hadisəni xoşagəlməz hal kimi dəyərləndirib və krallıq tərəfindən lazımı tədbirlərin görüləcəyini deyib.