Martın 2-də Polşanın Katovitse şəhərindən “Uzbekistan Airways” aviaşirkətinin daha 3 təyyarəsi Daşkənd hava limanına enib. Polşadan üç təyyarə isə martın 1-də Daşkəndə gəlib.

Özbəkistan Xarici İşlər Nazirliyinin mətbuat xidmətinə istinadla xəbər verir ki, martın 2-də gətirilənlərin əksəriyyəti uşaqlar, qadınlar, qocalar və tələbələrdir.

Son iki gündə Özbəkistana gətirilən şəxslərin sayı 1500 nəfərdir. Hazırda Ukrayna-Polşa sərhədində Vətənə gəlmək üçün növbə gözləyən 800-dən çox Özbəkistan vətəndaşı var.