Ərəb Dövlətləri Liqasının növbəti sammiti bu il noyabrında Əlcəzairdə keçiriləcək.

TASS agentliyinə istinadla xəbər verir ki, bu barədə Əlcəzairin xarici işlər naziri Ramtan Lamamra bildirib.

Xarici işlər nazirləri səviyyəsində Ərəb Dövlətləri Liqası Şurasının 157-ci sessiyasında iştirak edən nazir ölkəsinin ərəb xalqının maraqlarını qorumağa sadiq olduğunu diqqətə çatdırıb.

R.Lamamra ərəb ölkələrini sülhə çağırıb.

Qeyd edək ki, Əlcəzair Ərəb Dövlətləri Liqasının sammitinə sonuncu dəfə 2005-ci ildə ev sahibliyi edib.