Aprelin 11-də futbol üzrə Azərbaycan Kubokunun ilk yarımfinal oyunlarının vaxtı bəlli olub.

Peşəkar Futbol Liqasının rəsmi saytına istinadən xəbər verir ki, eyni gündə keçiriləcək görüşlər “CBC Sport” kanalı vasitəsilə canlı yayımlanacaq.

Mərhələnin ilk oyunu aprelin 20-də Qəbələ şəhər stadionunda eyniadlı komanda ilə “Qarabağ” klubu arasında oynanılacaq. Həmin gün saat 20:00-da isə “Zirə” klubu “Neftçi” komandasını qəbul edəcək. Qarşılaşma Zirə İdman Kompleksinin stadionunda baş tutacaq.