İranın dini lideri ayətullah Əli Xamneyinin “Sepah”dakı nümayəndəsi Əli Səidi yanvarın 9-da İsfahan şəhəri rəsmiləri ilə görüşündə prezidentliyə namizədliyə üç şərt qoyub.
Axund Əli Səidi deyib ki, növbəti prezident ölkənin dini liderinin ideyalarını davam etdirməlidir: “Prezidentliyə namizədliyini irəli sürən hər şəxs üç özəlliyə malik olmalıdır: dini rəhbərə tabe olmaq və onun istiqamətində hərəkət etmək, ölkəni idarə etmək üçün güclü idarəçilik qabiliyyətinə malik olmaq və hakim dəyərlərə sadiq qalmaq”.

İranda növbəti prezident seçkisi 2013-cü ilin iyununda keçiriləcək.