Sayqılı GünazTv izləyicilərinin gördüyü kimi, şənbə günü axşam Təbriz vaxtı saat 9 ərəfəsindən GünazTv peyklərdən yayımlanmır.
Bu arada Güney Azərbaycan Milli Azadlıq Hərəkatının düşmənləri əhali arasında bu haqda şaiyə yaymaqdadır.
Amma GünazTv-ni istəməyənlər bilməlidir ki, onların yalanları tezliklə aşkarlanacaq və millətin səsi islam cumhuriyyətinin və müxaliflərin yaratdığı baykot divarlarını sındıraraq onların müvəqqəti bayramlarını yenə uzun əzadarlığa çevirəcək.
Beləliklə, hörmətli izləyicilərin diqqətinə yetiririk ki, Peykdən verlişlərin kəsilməsinin əsas müşkülü Chicago studyosundan Peyk ötürücü dəstgahda texniki problemdir və Televizyon məsulları bu məsələni həll etmək üzrədir.
Deməliyik ki, verlişlər kəsilmədən internetdən davam edir.Tamaşaçılar GünazTv-nin rəsmi saytından www.gunaz.tv izləyə bilərlər.
GünazTv