Təhlükəsizlik Şurasının növbədənkənar iclasında Fransaya Malidə islamçı silahlılara qarşı apardığı hərbi əməliyyata görə dəstək verilib.

Fransa xarici işlər naziri Loran Fabius isə öz növbəsində bildirib ki, onun ölkəsi Malidə təhlükəsizliyin yeganə təminatçısı rolunu oynamaq istəmir.

Malidən isə ziddiyyətli xəbərlər gəlməkdədir. Bəzi xəbərlərə görə, ölkənin şimalına nəzarət edən islamçılar mərkəzi Malidəki Diabali şəhərini də ələ keçiriblər. Digər məlumatlara görə isə, fransız aviasiyasının zərbələri altında silahlılar şimaldakı əsas şəhərləri tərk edirlər.