Bu həftə Müqəddəs Qurban bayramı ilə xarakterizə olunur. Xalqımız daha bir bir əlamətdar günü layiqilə qeyd etməyə hazırlaşır.
Rəvayət olunana görə, Həzrət Əlinin üzü gülməzmiş. Ciddi görünüşə malik, qeyri-ciddiliyin, həddini aşan zarafatın üzün nuru öldürdüyünü vurğulayan bu din adamı, ildə sadəcə bir gün, Qurban bayramında gülümsərmiş. Onu gülümsədən səbəbi də belə izah edərmiş: “bu gün Yer üzündəki bütün müsəlmanlar toxdular”.
Biz də bütün müsəlmanların ocaqlarının yandığı gün, Müqəddəs Qurban bayramı günü münasibətilə xalqımızı təbrik edir, “Allah yolunda edilən dualar, kəsilən Qurbanlar qəbul olsun” deyirik.
Allah Həcc ziyarətinə üz tutanların ziyarətini qəbul, həsrətində olanlara isə nəsib etsin.
Tanrı könüllərdən keçən gözəllikləri, alınlara bəxt olaraq yazsın! Amin!