Oktyabrın 25-də Rumıniya Parlamentində Azərbaycanın bu ölkədəki səfiri Hüseyn Nəcəfov Rumıniya Deputatlar Palatasının sədri Marçel Çolaku ilə görüşüb.

Görüş zamanı iki ölkə arasında müxtəlif sahələrdə münasibətlər, o cümlədən Azərbaycanla Rumıniya arasında mövcud Strateji Tərəfdaşlıq çərçivəsində yeni əməkdaşlıq perspektivləri müzakirə edilib. Eyni zamanda, 44 günlük Vətən müharibəsindən sonra regionda yaranmış yeni reallıqlar, işğaldan azad olunmuş ərazilərdə aparılan quruculuq işləri, ölkəmizin sülh və regional əməkdaşlıq təşəbbüsləri haqqında Rumıniya Deputatlar Palatasının sədrinə ətraflı məlumat verilib.

M.Çolaku Rumıniyanın strateji tərəfdaşı olan Azərbaycanla ikitərəfli münasibətlərin yüksək qiymətləndirildiyini bildirərək, bu münasibətlərin, eləcə də parlamentlərarası əlaqələrin daha da dərinləşdirilməsi üçün hər iki tərəfin səylərinin davam etdirilməsinin vacibliyini vurğulayıb. O, Rumıniyanın bütün sahələrdə, o cümlədən enerji sahəsində ölkəmizlə daha sıx əməkdaşlıq etməkdə maraqlı olduğunu diqqətə çatdırıb.

İqbal Hacıyev