Türkiyə Prezidenti Rəcəb Tayyib Ərdoğan Azərbaycan Prezidenti İlham Əliyevlə Avropaya qaz tədarükü ətrafında fikir mübadiləsi aparıb.

Bu barədə Türkiyə Prezidenti Rəcəb Tayyib Ərdoğan yerli televiziya kanallarına müsahibəsində söyləyib.

İki ölkə arasında Bakı-Tbilisi-Ceyhan neft, Bakı-Tbilisi-Ərzurum qaz kəmərlərinin mövcud olduğunu bildirən Türkiyə Prezidenti deyib: “Azərbaycana son səfərimdə bu məsələ ilə bağlı Prezident İlham Əliyevlə müzakirə apardıq. Biz oralardan da alacağıq. Bunu TANAP-la alıb gücləndirəcəyik. Bundan başqa, depolama təsisatlarımızı quracağıq”.

Onun sözlərinə görə, TANAP vasitəsilə isə Azərbaycandan nəql olunacaq əlavə təbii qaz Türkiyənin qaz mərkəzi olmasında önəmli rol oynayacaq.