Noyabrın 25-də Azərbaycan və Gürcüstan xarici işlər nazirlikləri arasında konsulluq məsləhətləşmələri keçirilib.

Bu barədə Azərbaycanın Gürcüstandakı səfirliyindən məlumat verilib.

Bildirilib ki, tədbirdə Azərbaycan Xarici İşlər Nazirliyinin Konsulluq idarəsinin rəisi Emil Səfərov, Gürcüstan Xarici İşlər Nazirliyinin Konsulluq idarəsinin rəisi Qiorqi Tabatadze, Azərbaycanın Gürcüstandakı səfiri Faiq Quliyev, eləcə də Gürcüstanın Bakıdakı səfiri Zurab Pataradze, eləcə də hər iki ölkənin xarici siyasət qurumunun məsul əməkdaşları, Azərbaycanın Elm və Təhsil Nazirliyi, Ədliyyə Nazirliyi, Əmək və Əhalinin Sosial Müdafiəsi Nazirliyi, Dövlət Miqrasiya Xidməti və Diasporla İş üzrə Dövlət Komitəsinin nümayəndələri iştirak ediblər.

Məsləhətləşmələrdə gündəlikdə duran, o cümlədən qarşılıqlı maraq doğuran məsələlər müzakirə olunub və iclasın yekununda Protokol imzalanıb.

Xətayi Əzizov