Güney Azərbaycanlı fəal Davud Əzimzadə ETTELAATın Marağa şöbəsindən Təbriz şöbəsinə intiqal edilib.

2013-cü il yanvarın 17-də (1391-ci il deyin 28-də) Təbrizin ETTELAAT idarəsinə intiqal edilən azərbaycanlı fəalın intiqalıının səbəbi açıqlanmasa da, onun Təbriz ETTELAATında sorğu-suala tutulacağı ehtimal edilir.

Qeyd edək ki, Marağalı müəllim Əzimzadə , keçən həftələrdə Şərqi Azərbaycan Vilayətinin valisi və onu müşayiət edən heyətin işğalçı Ermənistana səfərinə etiraz edənlərin sırasında olub. O, bu etirazdan sonra yanvarın 13-də (deyin 24-də) öz şəxsi evində ETTELAAT məmurları tərəfindən tutuqlanıb.

Adını çəkdiyimiz azərbaycanlı milli-mədəni fəal bundan öncə də dəfələrlə tutuqlanıb və müxtəlif təzyiqlərə məruz qalıb.