Növbəti dəfə Kürd terrorist qrupları Güney Azərbaycanın Urmu şəhərini Kürdistan adlandırıblar.
İki gün öncə İraq Kürdistanından idarə olunan radikal kürd qruplarının saytlarında belə bir yazı dərc olunub: “Şərqi Azərbaycan Vilayətinin mərkəzi olan Təbrizdə Demokrat Partiyasının fəalları 21 yanvar münasibəti ilə Kürdistan Cümhuriyyəti ilə Azərbaycan Hökuməti arasındakı müqaviləni Abrəsan dördyolu, Təbriz universiteti, Azad universitet, Vəliəsr yataqxanası və 29 isfənd xiyabanında yayaraq təbliğat fəaliyyəti həyata keçiriblər”.
Həmçinin bu yazıda Güney Azərbaycanın Urmu şəhəri Kürd şəhəri kimi təqdim olunub. Yazıda Urmu şəhərinin bir neçə məntəqəsinin adı çəkilərək qeyd olunub ki, bu məntəqələrdə təbliğat fəaliyyəti aparılıb və Nanas-Urmu-Mahabad üçyolunda Kürdistan bayrağı dalğalanıb.
Qeyd edək ki, bundan öncədə kürd terrorçuları dəfələrlə ETTELAAT (İran Kəşfiyyat Nazirliyi) idarəsinin yaşıl işığı sayəsində oxşar fəaliyyətlərdə bulunublar.