"Mançester Yunayted" Avropa Liqasının pley-off mərhələsinin cavab oyununda "Barselona"nı məğlub edib.

“Old Trafford” stadionunda keçirilən görüş 2:1 hesabı ilə başa çatıb. Qaliblərin heyətində qolları Fred (47-ci dəqiqə) və Antoni (73) vurublar. Qonaqların heyətində isə 18-ci dəqiqədə penaltini dəqiq yerinə yetirən Robert Levandovski fərqlənib.

İlk görüş 2:2 hesabı ilə başa çatıb. Beləliklə, "Mançester Yunayted" Avropa Liqasının 1/8 finalına yüksəlib.