Bu açıqlamanı Dövlət Torpaq və Xəritəçəkmə Komitəsinin sədri Qərib Məmmədov verib. Onun sözlərinə görə, bununla əlaqədar ölkə prezidentinin tapşırığı var: “Artıq qərar verilib, proses yaxın vaxtlarda başlanacaq”.Komitə sədri deyib ki, Azərbaycanın Gürcüstanla sərhədinin delimitasiyası prosesi də davam edir: “Gürcüstanla Azərbaycan sərhədi 480 kilometrdir. Onun 300 kilometri razılaşdırılıb. 180 kilometr ərazi isə komissiya səviyyəsində baxılaraq sənədləşdirilib. Hazırda Gürcüstan tərəfindən diplomatik kanallarla dəvət gözləyirik. Dəvət olanda komissiya səviyyəsində danışıqlar aparılacaq”.