Böyük Britaniyanın Azərbaycandakı və Ermənistandakı səfirliklərinin dəstəyi ilə Ermənistanın “Region” araşdırma mərkəzi və Azərbaycandakı Sülh və Demokratiya İnstitutu tərəfindən yeni anti-Azərbaycan layihəsi həyata keçirməyə başlayıb.

Milli Dirçəliş Hərəkatı Partiyası (MDHP) Gənclər Təşkilatının sədri Seymur Həsənli yeni anti-Azərbaycan layihənin həyata keçirilməsinə etirazını bildirib. O, belə layihələrin illərdir həyata keçirildiyini, Azərbaycan cəmiyyəti üçün heç də yeni hadisə olmadığını təəssüflə diqqətə çatdırıb: "Dünya dövlətləri vaxtilə müxtəlif formalarla ermənilərin arxasında dayanıblar və bugün də eyni siyasət davam edir. Öz dəstəklərini erməni diasporunun gücü kimi göstərərək bizim gözümüzə kül üfürüblər. Qarabağ faktiki işğal altındadır və o ərazilər faktiki olaraq bizim nəzarətimizdə deyil. İndi xarici ölkələr həcmi on minlərlə ölçülən qrant layihələri təşkil edirlər ki, bizim ictimaiyyət nümayəndələri ilə erməni ictimaiyyət nümayəndələrini görüşdürsünlər. Bir sözlə, "xalq diplomatiyası" adlandırdıqları siyasətlə iki cəmiyyəti bir-birinə yaxınlaşdırıb hər şeyin normal olduğunu və düşmənçilik münasibətlərinin aradan qaldırılmasını istəyirlər. Təbii ki, milli qeyrəti, şərəfi olan kəs belə oyunlarda fiqur olmağı özünə yaraşdırmaz".

S. Həsənli bütün millətlərdə olduğu kimi, bizdə də milli dəyərlərdən uzaq insanların mövcudluğuna toxunub. Qeyd edib ki, qısa araşdırma aparılsa belə, adamların əksəriyyətinin qanının qarışıq olduğu üzə çıxar: "Belə görüşlərin və fəaliyyətlərin çox zaman mərkəzi Gürcüstan olur. Əslində, müxtəlif layihə adı altında xaricə satılmış qulları bir araya gətirib o görüşlərdə müxtəlif kef məclisləri qurulur. Hətta mükafatlandırmalar belə olur. Demək məqsəd münasibətləri maksimum şəkildə isidib "biz birlikdə ola bilərik", "yaxşı erməni" anlayışlarının insanlarımızın beyninə otuzdurmaqdır. Amma bütün bu planlar öz bəhrəsini verməyəcək. Azərbaycanın sağlam toplumu, özəlliklə də, mübariz gəncliyi Qarabağa gedən yolun müharibədən keçdiyini çox gözəl bilir və öz dövlətinə güvənir".

Rufik İsmayılov/ “Kaspi” qəzeti