Şərqi Azərbaycan vilayətində baş verən zəlzələ nəticəsində yaralı sayı 10 nəfərə çatıb.

“Fars” xəbər agentliyinin məlumatına görə, bu barədə Şərqi Azərbaycan vilayətinin Fövqəladə Hallar Komissiyasının müdiri Xəlil Sai açıqlama verib.

O bildirib ki, təbii fəlakət nəticəsində ölən olub-olmadığına dair quruma heç bir məlumat daxil olmayıb: “ Lakin zəlzələ nəticəsində Əhər və Vərziganda 10 nəfər yaralanıb. Onlar da müalicə üçün Təbriz xəstəxanasına göndərilib”.

Qeyd edək ki, İranın Şərqi Azərbaycan vilayətində yanvarın 26-da yerli vaxtla saat 18:40-da Rixter şkalası üzrə 4.8 bal gücündə zəlzələ baş verib.