Azərbaycanlı milli-mədəni fəal Cavid Nəzmi İran təhlükəsizlik qüvvələri tərəfindən yaxalanıb və naməlum istiqamətə aparılıb.

O, 2013-cü il yanvarın 21-də Təbrizin 42 metr məhəlləsində yerləşən öz evində tutuqlanıb. Məmurlar azərbaycanlı fəalı yaxalarkən evdə axtarış aparıb və bəzi şəxsi əşya o cümlədən bir neçə kitab və kompüter keysini özləri ilə aparıblar.

Hələlik Cavid Nəzminin yaxalanma səbəbi və onun harda saxlanıldığı ilə bağlı heç bir məlumat yoxdur.

Qeyd edək ki, məmurlar bundan öncə iki dəfə adını çəkdiyimiz azərbaycanlı fəalın evinə müraciət ediblər. Lakin o evdə olmadığı üçün onu yaxalaya bilməmişdilər.