Aprelin 21-də Moldovanın Avropa İttifaqına üzvlüyünə dəstək üçün kütləvi aksiya keçiriləcək.

Bu barədə bazar ertəsi, aprelin 10-da prezident Maya Sandu xalqa müraciəti zamanı bildirib.

Sandu özünü mitinqin təşəbbüskarı adlandırıb və əlavə edib ki, Moldovanın Avropaya inteqrasiyasının tərəfdarı olanlar ölkəyə nəzarət etdiklərini hamıya göstərməlidirlər.

“Bütün dünya, bütün Avropa bizi izləyir. Mən Kişinyovun mərkəzində vətəndaşların toplantısını çağırmaq təşəbbüsü ilə çıxış edirəm”, - Sandu bildirib.

Sandu həmçinin ötən ilin yazından ölkənin Aİ-yə üzvlüyünə qarşı etiraz aksiyaları keçirən müxalifət qüvvələrini pisləyib.