Sarab şəhərinin inqilab məhkəməsi azərbaycanlı fəal Hamid Məlikabadini 6 ay həbs cəzasına məhkum edib.


Hakim Xatiri milli-mədəni fəalı sistemin əleyhinə təbliğdə ittiham edib.


Sarab Azad Universitetinin öyrəncisi Hamid Məlikabadi 2012-ci il iyulun 29-da ETTELAAT məmurları tərəfindən öz ata evində tutuqlanıb və öz dostu Babək Bəqayi ilə birlikdə Sarabın ETTELAAT idarəsində bir neçə gün saxlanılıb və işgəncələr altında sorğu-suala tutulub. Sonra isə Sarab prokurorunun (dadistan) göstərişi əsasında Təbriz ETTELAATına intiqal edilib. O, hazırda 50 milyon tümənlik mülki vəsiqə qarşılığında azadlıqdadır.


Adını çəkdiyimiz azərbaycanlı fəalın tutuqlanması Sarab şəhərinin milli-mədəni fəallarına qarşı təzyiqlər sırasında baş verib. Hazırda Sarabda tutuqlanmış 10 nəfər azərbaycanlı fəalın məhkəmə prosesi keçməkdədir.