Tanınmış azərbaycanlı fəallar Elman Nuri və Mahmud Fəzlinin birinci məhkəmə iclası keçən 1-ci gün Təbrizin Apelyasiya Məhkəməsinin (dadqah-i təcdide nəzər) 4-cü şöbəsində hakim Xubyarpurun sədrliyi ilə keçirilib. Məhkəmənin keçirildiyi gün Mahmud Fəzli ETTELAAT (İran Kəşfiyyat Nazirliyi) idarəsinin təcridxanasında saxlanıldığı üçün, o məhkəmə iclasında iştirak edə bilməyib. Məhz bu səbəbdən yekun məhkəmə iclası fevralın 19-da təyin edilib.


Mahmud Fəzli Təbriz ETTELAAT idarəsində 24 gün saxlanıldıqdan sonra 2013-cü ilı yanvarın 24-də Təbrizin mərkəzi zindanının karantin bölümünə intiqal edilib.


Daha bir məlumata görə, Fəzli iki gün karantin bölümündə saxlanıldıqdan sonra zindanın karqah bölümünə köçürülüb.